👻【停車場女鬼】夜班員工的驚魂一夜

我係小麗，喺物流公司做夜班，凌晨三點收工。公司安排車隊送我哋返屋企。有晚做到四點，我落樓去停車場，一片漆黑，冇車冇人。

突然聽到高踭鞋聲，一個靚女行過嚟，問我幾點、冇車點算。我答佢唔清楚，佢拍我手臂，手凍到好似冰，話好高興識到我，然後行去出口唔見咗。

我覺得佢好陌生，返公司問主管，佢話我係最後一個離開公司，之前啲人一點幾已經走晒。車隊同事返嚟，我問佢哋有冇見過個女仔，佢哋話「估唔到你都撞到佢」，佢唔係人，係鬼。

據講佢係凶案受害者，兇手箍斷咗佢條頸。有司機見過佢企喺車窗旁邊，對眼全黑冇眼白，恐怖到不得了。我之後唔敢一個人落停車場，每次都搵同事陪。

Youtube專欄：驚奇怪異站2002 鬼故事廣東話